Xuraman Şuşalı: “Onun icazəsi olmadan heç yerə gedə bilmərəm”

Türkiyədə yaşayan və fəaliyyət göstərən azərbaycanlı müğənni Günel Zeynalova oktyabrın 25-də doğum gününü qeyd edəcək. İfaçı özəl günündə xüsusi təmtəraq istəmir.  

    Türkiyədə yaşayan və fəaliyyət göstərən azərbaycanlı müğənni Günel Zeynalova oktyabrın 25-də doğum gününü qeyd edəcək. İfaçı özəl günündə xüsusi təmtəraq istəmir. Müğənni deyib ki, 30 yaşında qeyri-adi mərasim təşkil etmək fikrindədir. Sevdiyi insanların əhatəsində olduğunu vurğulayan Günel hədiyyələri çox sevdiyini də əlavə edib. İfaçı Bakıya gələcəyi tarixi də açıqlayıb. O, doğum günündən sonra 2 günlük vətənə gələcək. 
    Müğənni Xuraman Şuşalı həyat yoldaşının bütün qərarlarına əməl etdiyini bildirib."Onun icazəsi olmadan heç yerə gedə bilmərəm. Bu belə də olmalıdır, axı o kişidir. Mən özümü aparmağı bilirəm, buna görə də çox məhdudiyyətlər qoyulmur. Noyabr ayında qastrol səfərlərim olmalı idi, amma yoldaşım icazə vermədi”, - deyərək məsələyə aydınlıq gətirib.
    Türkiyə şou-biznesində parlamağı qarşısına məqsəd qoyan müğənni Aygün Kazımovaya məşhur həmkarı Sərdar Ortacdan dəstək gəlib. Məlumunuz olsun ki, Aygün xanımın ifasında səslənən "Hayat ona güzel" mahnısının söz və musiqisi Ortaca məxsusdur. Bu səbəbdən də o, sinqlının uğurlu piarı ilə şəxsən məşğul olur. Facebook sosial şəbəkəsindəki rəsmi profilində Serdar Ortac mahnı haqqında xoş sözlər yazmaqla xanım Kazımovaya uğurlar arzulayıb. Türkiyəli ulduz Aygün Kazımovanı “Balkanların Divası” adlandırmaqdan da çəkinməyib.

 

Sahilə Aslanova

 

Muz–Tv.az