Xalq artisti Yaşar Nuri vətənə qayıtdı

Azərbaycanın xalq artisti Yaşar Nuri vətənə qayıdıb. Verilən məlumata görə, aktyor Bakıya həyat yoldaşı və qızları ilə birlikdə gəlib.  

    Azərbaycanın xalq artisti Yaşar Nuri vətənə qayıdıb. Verilən məlumata görə, aktyor Bakıya həyat yoldaşı və qızları ilə birlikdə gəlib. Hava limanında jurnalistlərə açıqlama verən xalq artisti özünü yaxşı hiss etdiyini, amma yeriyə bilmədiyini söyləyib. Yaşar Nuri onu da deyib ki, üç aydan sonra yenidən müayinə üçün Türkiyəyə qayıdacaq. O, Qurban bayramı münasibətilə Azərbaycan xalqını təbrik etməyi də unutmayıb.
   Özünəvurğun sənətçilər sırasına daha bir məşhur əlavə olunub. Belə ki, müğənni Zarinanın klip təqdimatına qatılan Günay İbrahimli gözəlliyi barəsində bunları söyləyib: \"Nə üçün bunu deməməliyəm? Mən gözələm və yetərincə müsbət enerjiyə sahibəm. Məhz bu səbəbdən mahnılarımla dinləyicilərin qəlbinə yol tapmaqda hansısa problemim olmur\". Müğənni onu da etiraf edib ki, güzgü qarşısında çox vaxt keçirən xanımlardandır.
    Azərbaycanda kifayət qədər məşhurluq qazanan gürcü qızı Suli “O anlar” adlı ikinci albomunu tamaşaçıların ixtiyarına verib. İfaçı qeyd edib ki, musiqi toplusuna 6 Azərbaycan mahnısı əlavə edilib. “Albomda ən önəmli ifam “Sarı gəlin”dir. Mən bir daha sübut etmək istədim ki, bu, Azərbaycan xalq mahnısıdır”, -deyə Suli bildirib.
   Xalq artisti Aygün Kazımova müğənni Elton Hüseynəliyev ilə birlikdə duet oxuduqlarını, amma mahnının müəllifini tapa bilmədiyini söyləyib. O, vurğulayıb ki, Elton musiqinin aranjemanı üçün çox pul xərcləyib və müəllifin ortaya çıxıb onları məhkəməyə verməsindən çox narahatdır. Müğənni həmçinin bu duetin son olmadığını, Eltonla yeni işlərə imza atacaqlarını da əlavə edib.

 

Sahilə Aslanova

 

Muz-Tv.az