Məşhur repçi avtomobil qəzasına uğrayıb

 Məşhur amerikalı repçi P.Diddy avtomobil qəzasına uğrayıb. Hadisə Beverli Hillsdə baş verib.

    Məşhur amerikalı repçi P.Diddy avtomobil qəzasına uğrayıb. Hadisə Beverli Hillsdə baş verib. Qəza nəticəsində ulduz müxtəlif dərəcəli zədələr alsa da, xəstəxanada qalmaqdan imtina edib və şəxsi həkimlərinin yanında müalicə olunmaq qərarına gəlib. Hadisədə günahkar tərəfin kim olduğu isə hələ açıqlanmayıb.
   Türkiyəli müğənni Tarkan hava limanında jurnalistlərə qısa müsahibə verib. Təkbaşına tətilə çıxan ulduz harda istirahət edəcəyini sirr saxlayıb. Ailəsi və dostları ilə bayramlaşdıqdan sonra yola çıxdığını söyləyən Tarkan şəxsi heç bir şeyin olmadığını və sadəcə istirahət edəcəyini bildirib. Pərəstişkarlarının istəyinə qarşı çıxmayaraq hər biri ilə şəkil çəkdirən sənətçi daha sonra hamının bayramını təbrik edərək həmin yerdən uzaqlaşıb.
   Amerikalı müğənni Beyonsla həyat yoldaşı Jay Z qızlarının adı Blu Ayvini firmalarına brend olaraq seçən evlilik agentliyinə qarşı açdıqları məhkəmədə məğlub olublar. Ortaq sərvətləri 1,1 milyard dollar olan cütlük daha əvvəl Blue Ayvi adını özlərinin yaradacağı uşaq məhsulları şirkətinə verməyi planlaşdırıblar. Amma məhkmədə məğlub olduqdan sonra məşhurlar bu arzularından imtina etmək məcburiyyətində qalıb. 
   Ispaniyalı müğənni Enrike İqlesias repçi Semmi Adamsla birgə ifa etdiyi «Finally Found You» mahnısına çəkilən yeni klipini təqdim edib. Video çarxın süjeti romantik əhvalat əsasında qurulub. Qəhrəman öz ilk məhəbbətini xatılayır və illər sonra onunla yenidən görüşür. Bununla da cütlük arasında böyük sevgi macərası başlayır.  Amma rejissoru Diyeqo Mendoza olan video çarx ulduzun pərəstişkarları tərəfindən bəyənilməyib. Onların fikrincə, müğənninin  artıq yeni obrazlar üzərində düşünmək vaxtı gəlib çatıb.

 

Sahilə Aslanova

 

Muz-Tv.az