Yerli məşhurlar yenə də hər kəsi təəccübləndirdi

Oğul anası olan tanınmış müğənni Nazənin haqqında xəbərlər dolaşır.  

     Oğul anası olan tanınmış müğənni Nazənin haqqında xəbərlər dolaşır. Sənətçinin övladının səhhətində problemlər yaşandığı və son iki gecəni Bakıdakı uşaq klinik xəstəxanalarının birində keçirdiyi deyilir. Müğənninin sözlərinə görə, bütün bunlar şayiədir və övladı sağ-salamatdır. Bu barədə danışan müğənni: "Mənimlə işləri olmasın, bəzi paxılların acığına gələn il yenə də dünyaya uşaq gətirərəm. Hər kəs gedib öz ailəsi ilə maraqlansın"- deyə vurğulayıb. 
    Müğənni Rəqsanənin Türkiyədə yeni albomu hazırlanır və bu musiqi toplusu yaxın zamanlarda hazır olacaq. Konsert verməyi planlaşdıran sənətçinin sözlərinə görə, yeni mahnılar üzərində çalışır. ifaçının yenilikləri bununla bitmir. O, qeyri-adi klip də çəkdirmək istəyir. Çəkilişlərin üç ölkədə: Azərbaycan ,Rusiya və Türkiyədə həyata keçiriləcəyi bildirilir. Qeyd edək ki, klipin ərsəyə gətirilməsində 70 -ə yaxın yaradıcı və texniki heyətin iştirakı gözlənilir.
    Son aylar durmadan yaradıcılığı üzərində çalışan Ayan Babakişiyeva yeni "O" adlı mahnısını təqdim edib. Müğənni bildirib ki, sözləri və musiqisi Xanım İsmayılqızına, aranjemanı Nazim Əhmədə məxsus olan bu bəstə çox fərqlidir. Ayan Babakişiyeva sözügedən mahnıya klip çəkdirəcəyini də vurğulayıb.
    Xalq artisti, tanınmış muğam ifaçısı Mələkxanım Əyyubova “Göydən enmiş bir mələk” adlı solo konsert verəcək. Tədbir oktyabrın 30-da Heydər Əliyev Sarayında reallaşacaq. Xanəndə konsertdə muğamlarla yanaşı, xalq və bəstəkar mahnıları da səsləndirəcək. Xatırladaq ki, xanım Əyyubova səhnəyə bacısı və qardaşı uşaqları - müğənni Vüsal, Mirkamil və Ramal ilə çıxacaq.

 

Xəyalə Əzizova

 

Muz-Tv.az