Doğuş Azərbaycana gəlir

Türkiyəli müğənni Doğuşun Göyçay İcra Hakimiyyəti tərəfindən təşkil olunan “Nar bayramı”-nda iştirak etmək üçün Azərbaycana gələcəyi bildirilib.  

     Türkiyəli müğənni Doğuşun Göyçay İcra Hakimiyyəti tərəfindən təşkil olunan “Nar bayramı”-nda iştirak etmək üçün Azərbaycana gələcəyi bildirilib. Tədbir noyabrın 3-də keçiriləcək. Bayram tədbirinə çoxlu sayda qonağın qatılacağı gözlənilir. Qeyd edək ki, “Nar bayramı” 2006-cı ildən keçirilir. Bayramın keçirilməsində əsas məqsəd regionların təbliği, mədəni və iqtisadi potensialın nümayişi və turizmin inkişaf etdirilməsidir.
    Gənc müğənni Günel Məhərrəmova oktyabrın 28-də doğum gününü qeyd edib. Özəl günlərini təmtəraqlı şəkildə keçirmədiyini deyən müğənni: “Bu il də belə oldu. Bu şad günümü ailəmin və qohumlarımın əhatəsində qeyd etdim. Məni təbrik edən hər kəsə öz minnətdarlığımı bildirirəm” -deyə vurğulayıb. 
    Əməkdar artist Mətanət İsgəndərli musiqisi bəstəkar Elçin İmanova, sözləri Vahid Əzizə aid “ Sevir ürək ” adlı yeni mahnısını tezliklə sevənlərinin ixtiyarına verəcək. Aranjemanı İntizara məxsus bu ifa yaxın günlərdə radiolarda səsləndirilməyə başlayacaq.
    Xalq artisti Aygün Kazımova heç vaxt Azərbaycanı tərk edib Türkiyədə yaşamayacağını deyib. O, bildirib ki, başqa ölkəyə köçə bilməz. “Xaricdə mənim havam çatmır. Həmişə olduğu kimi, oraya gedəcəyəm və geri qayıdacağam", - deyə müğənni əlavə edib.

 

Sahilə Aslanova

 

Muz–Tv.az