Cennifer Lopez və sevgilisi ildönümlərini qeyd edirlər

Tez-tez ayrılmaqları ilə bağlı dedi-qodular yayılan türkiyəli müğənni Murat Dalkılıç və aktrisa Ekin Türkmen bir məkanda dostları ilə söhbət edərkən görüntülənib.  

     Tez-tez ayrılmaqları ilə bağlı dedi-qodular yayılan türkiyəli müğənni Murat Dalkılıç və aktrisa Ekin Türkmen bir məkanda dostları ilə söhbət edərkən görüntülənib. Bayramı İstanbulda keçirən cütlük şayiələri yalanlayaraq çox xoşbəxt olduqlarını bildirib. Dalkılıç bir müxbirin ayrılıqla bağlı sualına zarafatla: “Bizi küsdürüb barışdıranlardan soruşun”, -deyə cavab verib. 
    Amerikalı müğənni Cennifer Lopezin rəqqas sevgilisi Kasper Smartla əlaqələrinin birinci ili tamam olub. Ulduz bu xüsusi günü “Twitter”də qeyd edib. Lopez sevgilisinə: “Bu gün bizim günümüzdür. Gözəl gülüşünü hər gün mənimlə bölüşdüyün üçün təşəkkürlər”, -deyə yazıb. Kasper də öz növbəsində :“Dünyadakı ən möhtəşəm, mədəni, şən və gözəl sevgilimin bayramını təbrik edirəm”- cavabını göndərib. Xatırladaq ki, Cennifer Lopez yeddi il evli qaldığı və əkiz uşaqlarının atası Mark Entonidən keçən il ayrılıb.
     Türkiyəli müğənni Əmrah iki ildir hazırlıqları davam edən “Gəlməyən bahar” adlı filminin çəkilişlərinə başlayıb. İlk dəfə rejissor qismində çıxış edən ulduz diqqətinin yayınmaması üçün bu müddət ərzində ona gələn bütün təklifləri rədd edib. Hətta müğənni 39 bölümünə görə nəğd üç milyon lirə ödənilməsinə razılıq verilən bir serial layihəsindən də imtina etməli olub. 
     Müğənni Sərdar Ortaç bayram tətilində verdiyi bir konsetində kulisdə heyranları ilə görüşüb. Bir zamanlar qumar oynadığına görə tənqid atəşinə tutulan sənətçi hazırda əvvəlki kimi olmasa da, hələ də oynadığını bildirib. Məşhur popçu bu pis vərdişindən qurtulmaq üçün əlindən gələni etdiyini vurğulamağı da unutmayıb.

 

Sahilə Aslanova

 

Muz–Tv.az