“Öylə bir geçər zaman ki”nin “Karolin”i sevgilisi ilə Bakıya gəldi

“City challenge” avtomobil yarışları çərçivəsində daha bir məşhur vətənimizin qonağı olub.  

    “City challenge” avtomobil yarışları çərçivəsində daha bir məşhur vətənimizin qonağı olub. Belə ki, “Öyle bir geçer zaman ki” serialından hamının Karolin kimi tanıdığı Vilma Elles sevgilisi Kerem Göğüş ilə Bakıya təşrif buyurub.
     Yerli jurnalistlərimizin suallarını cavablandıran Elles bildirib ki, şəhərimizə avtomobil yarışlarını izləmək üçün gəlib. Aktrisa özünün də maşına olan marağından söz açıb. Söhbət zamanı məlum olub ki, Vilma Türkiyədə sükan arxasına keçmir. 
    Şəhərimizi çox bəyənən almaniyalı aktrisa hətta vurğulayıb ki, filmə çəkilmək təklifi alsa məmnun olar. “Öyle bir geçer zaman ki” serialında Karolinin sonunun necə olacağına gəlincə isə o, heç bir açıqlama verməyərək izləyiciləri sürpriz gözlədiyini deyib. 
    25 yaşlı Vilma Elles çəkiliş zamanı türkiyəli iş adamı 32 yaşlı Kerem Göğüş ilə səmimi görüntülənsə də, onlar sevgili olduqlarını etiraf etməkdən çəkinib.

 

Səbinə Zöhrabqızı
Ramal Gülməmmədov

 

Muz-Tv.az