Bakıda “Univiziya” tələbə mahnı yarışması keçiriləcək

Bu barədə mətbuat konfransında müsabiqənin media üzrə rəhbəri Səmayə Məmmədova məlumat verdi... 

Bu barədə mətbuat konfransında müsabiqənin media üzrə rəhbəri Səmayə Məmmədova məlumat verdi.
Onun sözlərinə görə, yarışma Gənclər və İdman Nazirliyi, Azərbaycan Tələbə Gənclər Təşkilatları İttifaqının (ATGTİ) və Muz tv-nin birgə təşəbbüsü ilə reaallaşacaq. Səmayə Məmmədova dedi ki,növbəti illərdə bu musiqi yarışmasına xarici ölkələrdən olan universitetlərin də cəlb olunması istiqamətində tədbirlər görülür. O, həmçinin layihənin başlamasına çox sevindiyini ifadə etdi.
ATGTİ-nin sədri Şahin İsmayılov bildirdi ki, birinci “Univiziya” tələbə mahnı yarışmasına Azərbaycanın 26 universitetindən tələbələr qatılacaq: “ İki mərhələdə keçiriləcək yarışmanın finalına 10 universitet vəsiqə qazanacaq. Bu il müsabiqədəki mahnılar müxtəlif dillərdə olacaq, lakin MDB və Avropa məkanına çıxdıqdan sonra mahnılar iştirakçı ölkənin dilində və ya ingilis dilində oxunacaq. Qaliblərə yarışmanın və ittifaqın siması olmaqla bərabər, mükafat da veriləcək.O, həmçinin müsabiqənin münsiflər heyəti haqqında da məlumat verərək, heyətin gizli tərkibdən təşkil olunacağını qeyd etdi.
Mətbuat konfransında yarışmanı canlı yayımını həyata keçirəcək. “Muz TV”nin xəbər departamentinin rəhbəri Tamara Çayxorskaya da çıxış edərək layihə haqqında danışdı. Onun sözlərinə görə , univiziya yarışması yalnız Muz Tv vasitəsilə canlı yayımlanacaq. Tamara Çayxorskaya Muz Tv nin özəllikləri haqqında da məlumat verdi.
“Qızıl Qala” prodakşının rəhbəri Cavid İsmayılov isə yarışmanın sırf texniki tərəflərini öhdələrinə götürdüklərini vurğuladı.
Qeyd edək ki, yalnız tələbələrin iştirak edəcəyi müsabiqənin yarımfinal mərhələsi mayın 15-də, final mərhələsi isə mayın 17-də Heydər Əliyev Sarayında baş tutacaq. Musiqi canlı , biletlər isə pulsuz olacaq.

 

Çinarə Nurməmmədova
Ramal Gülməmmədov

 

Muz-tv.az