Eminem yeni albomunu təqdim etməyə hazırlaşır

Rusiyalı müğənni Kristina Orbakaytenin dörd il birlikdə olduğu həyat yoldaşından boşandığı iddia edilib.  

     Rusiyalı müğənni Kristina Orbakaytenin dörd il birlikdə olduğu həyat yoldaşından boşandığı iddia edilib. Məhkəməyə ərizə verən tərəfin Mixail Zemtsov olduğu deyilir. Məlumata görə, ayrılığa səbəb onun müğənnidən daha az qazanmasıdır. Mixailin dostları onun aylıq gəlirinin Orbakaytenin maaşından qat-qat az, 8-10 min dollar olduğunu bildirib. Cütlüyün yaxınları onların bu səbəbdən ayrıldığına hələ də inana bilmir. Xatırladaq ki, Kristina bu yaxınlarda üçüncü övladını dünyaya gətirib.
     Britaniyalı repçi Eminemin uzun fasilədən sonra 2013-cü ildə yeni albomunu təqdim edəcəyi bildirilib. Ulduz məlumatı təsdiqləməsə də, onun rəsmi saytında satılan papaqların üstündə bu vaxta qədər çıxan albomların təqdim edildiyi illər arasında 2013 yazısının olduğu görülüb. Yeni albom üzərində keçən ildən bəri işlədiyini deyən repçi çıxış tarixi haqqında əlavə məlumat verməyib. Musiqi toplusunun adı hələ də məlum deyil. Qeyd edək ki, Eminemin son “Recovery” adlı albomu 2010-cu ildə işıq üzü görüb.
     Bayramda Şimali Kiprdə səhnə alan türkiyəli müğənni Hadisə geyindiyi kürkü ilə diqqət çəkib. Məşhur popçu xanım jurnalistlərin “Kürkünüz orijinaldırmı?”- sualına hər zaman heyvan haqlarını qoruduğunu və əynindəki kürkün də saxta olduğunu deyərək cavab verib.
     Rusiyanın məşhur “Via Qra” qrupu bundan sonra duet şəklində fəaliyyət göstərəcək. Bu barədə qrupun prodüseri Konstantin Meladze məlumat verib. Santa Dimopulosun kollektivdən ayrılmasından sonra iki nəfər üzvü qalan qrup qastrollara getməkdə davam edir. Santanın yerinə Mariya Yaremçuk adlı yeni müğənnini gətiriləcəyi bildirilsə də, Meladze məlumatı təkzib edib. Xatırladaq ki, Santa Dimopulos “Via Qra” qrupunu sentyabrda tərk edib. Onun gediş səbəbi məlum deyil.

 

Sahilə Aslanova

 

Muz–Tv.az