Demet Akalın yeni albomunu təqdim etməyə hazırlaşır

“Blestyaşie” qrupunun keçmiş üzvü Anna Semenoviç yeni “Lyubov pod oblakami” mahnısına çəkdirdiyi klipini təqdim edib.  

     “Blestyaşie” qrupunun keçmiş üzvü Anna Semenoviç yeni “Lyubov pod oblakami” mahnısına çəkdirdiyi klipini təqdim edib. Video çarxın rejissoru Sergey Tkaçenkodur. Çəkilişlər Parisdə reallaşıb. Annanın tərəf müqabili qismində məşhur aktyor Marat Başarov çıxış edib. 
     Avstraliyalı məşhur müğənni Kayli Minouq yeni "Kylie/Fashion" adlı illustrativ kitabını sevənlərinin ixtiyarına verib. İfaçı kitabda bütöv səhnə fəaliyyəti dövründə geyindiyi səhnə geyimlərindən bəhs edib. Kayli əsər üzərində kreativ direktoru Uilyam Beykerlə birgə çalışıb. Kitabın ön sözünü fransız dizayner Jan Pol Qotye yazıb. 
     Türkiyəli müğənni Demet Akalın xeyli vaxtdır üzərində çalışdığı musiqi albomunun hazırlıqlarını tamamlayıb. İfaçı adını heyranlarının istəyi ilə “Giderli 16” qoyduğu musiqi toplusunu noyabr ayının ikinci həftəsində təqdim edəcək. Bu il sənət həyatının 16-cı ilini qeyd edən Akalın çox həyəcanlı olduğunu bildirib. 
     Müğənni Byork ən məşhur mahnılarının remikslərindən ibarət musiqi albomu çıxarıb. İfaçı bütün trekləri özünün seçdiyini deyib. Musiqi toplusunun noyabrın 19-da işıq üzü görəcəyi güman edilir. İfaçı yeni albomunda Metyu Qerbert, Omar Süleyman kimi məşhur DJ-lə çalışıb. Remikslərdən bəziləri artıq internetdə də yayılıb.

 

Sahilə Aslanova

 

Muz–Tv.az