Türkiyənin “Super star”ı Bakıya gəlir

Məşhur türkiyəli müğənni Ajda Pekkan Bakıya gəlir. Ulduzun noyabrın 18-də Heydər Əliyev Sarayında konserti gözlənilir.  

    Məşhur türkiyəli müğənni Ajda Pekkan Bakıya gəlir. Ulduzun noyabrın 18-də Heydər Əliyev Sarayında konserti gözlənilir. Artıq müğənni ilə lazımi danışıqlar aparılıb və tədbirə müvafiq hazırlıqlar gedir.
    Xalq artisti Faiq Ağayev bu ilin sonuna qədər konsert verməyə hazırlaşır. Tədbirdə tamaşaçıları bir sıra sürprizlər gözləyir. Sənətçinin sözlərinə görə, konsert 4 hissəyə bölünəcək və tamaşaçılar səhnədə fərqli Faiq Ağayev görəcəklər. Ümumilikdə tədbirə 250 min manat xərcləməyə hazırlaşan müğənni pulların çox hissəsinin təşkilatçılığa xərclənəyini bildirib. Qeyd edək ki, biletlərin qiyməti 10-16 manat olaraq təyin edilib. 
    Gələn il evlənəcəyini açıqlayan müğənni Günel Ələkbərova şəxsi həyatında baş verəcək bu xoş hadisənin müzakirəyə çıxmasının tərəfdarı deyil. Şəxsi həyatının heç kimə dəxli olmadığını deyən ifaçı xöşbəxt olduğunu vurğulayıb.
   “Dəyirman” qrupunun keçmiş üzvü Miri Yusif rep ifaçısı adından imtina edib. O, bildirib ki, rep oxumur və buna görə də artıq belə təqdim olunmaq istəmir. “Artıq bütün müsahibələrdə bunu vurğulamaqdan yoruldum. Sadəcə ifaçı kimi təqdim etsələr, daha düzgün səslənər, -deyə Miri Yusif bildirib.

 

Sahilə Aslanova

 

Muz–Tv.az