İbrahim Tatlısəs evi tərk etdiyini təsdiqlədi

Məşhur amerikalı “Jonas Brothers” qrupu yeni “Wedding Bells” kompozisiyasını təqdim edib.  

    Məşhur amerikalı “Jonas Brothers” qrupu yeni “Wedding Bells” kompozisiyasını təqdim edib. Məlumata görə, mahnı bu ilin may ayında nişanlanan müğənni Mayli Sayrusa həsr edilib. Trekin premyerasından dərhal sonra reallaşan konsertlərdən birində Mayli mahnının onunla qrup üzvü Nik Conas arasında keçmiş sevgidən bəhs etdiyini deyib. Xatırladaq ki, Mayli dəfələrlə Nikin onun ilk sevgisi olduğunu vurğulayıb.
   “The Beatles” qrupunun üzvü Pol Makkartninin Aston Martin markalı maşını Londonda təşkil edilən bir hərracda 500000 dollara satılıb. Ser Pol Makkartni bu maşını 1964-cü ildə Ceyms Bond filmlərindən sonra əldə edib. Mütəxəssislərin fikrincə, maşını unikal və bahalı edən onun retro model olmasından çox, eks-sahibkarının kimliyidir. 
    Uzun müddətdir həyat yoldaşı Ayşəgül Yıldızla münasibətlərində soyuqluq yaşandığı və evi tərk etdiyi deyilən türkiyəli müğənni İbrahim Tatlısəs nəhayət etiraf edib. Belə ki, sənətçi Twitter hesabı vasitəsilə çıxan xəbərləri doğrulayıb. Ondan həyat yoldaşını soruşan yaxınlarına “Elə adam tanımıram” dediyi iddialarına qəzəblənən Tatlısəs “Mənim evi tərk etdiyim doğrudur, amma həyat yoldaşımı məndən soruşanlara “elə birini tanımıram” söyləməmişəm” deyə yazıb. 
   “Diskoteka Avariya” qrupunun keçmiş üzvü Nikolay Timofeyev özünün ilk debüt klipini “S Novim godom” mahnısına çəkdirib. Əsas qəhrəmanları Şaxta baba və Qarqızın olduğu video çarxın noyabrın sonlarında təqdim ediləcəyi bildirilib. Qeyd edək ki, sözügedən ifanın sözləri və musiqisi müğənninin özünə aiddir.

 

Sahilə Aslanova

 

Muz–Tv.az