Şou-biznesin böyük qalmaqalına son qoyuldu

Aləm gözəl” mahnısı ətrafında yayılan söz-söhbətə iş adamı Anar Məmmədov son qoyub.  

    Aləm gözəl” mahnısı ətrafında yayılan söz-söhbətə iş adamı Anar Məmmədov son qoyub. O, “Facebook” sosial şəbəkəsində musiqinin müəllifi özü olduğunu vurğulayıb. Xatırladaq ki, sözügedən mahnını indiyədək Abbas Bağırov, Ramal İsrafilov ifa edib. Bu günlərdə isə bu mahnını Brilliant Dadaşova oxuyub. Əsl qalmaqal da bundan sonra yaranıb. Belə ki, Abbas Bağırov bəstəkara qarşı çıxaraq, “Aləm gözəl”in musiqisinin iş adamı Anar Məmmədova məxsus olduğunu bildirib.
   Aygün Kazımova depressiya vaxtı bir neçə dəfə intihar etmək istəyib. Bu barədə müğənni özü açıqlama verib. Onun sözlərinə görə, bütün gücünü sərf edib mahnı yazanda, amma istədiyi effekti almayanda həmin an depressiyaya düşür. Sənətçi vurğulayıb ki, bu vəziyyətdən çıxandan sonra özünə gülür. 
   Xalq artisti Zülfiyyə Xanbabayeva aparıcılıq edəcəyi verilişin ilk çəkilişində yaxın rəfiqəsi, həmkarı olan xalq artisti Brilliant Dadaşovanı qonaq edib. Yayımlanacaq proqramda əsas hədəf musiqilərimizin təbliğinə yönəlir. Çəkiliş zamanı rəfiqələr peşəkar musiqiçilərin müşayiəti ilə bol-bol mahnılar oxuyub. Montaj prosesi başlasa da, \"Sən və Mən\" verilişinin tarixi və vaxtı barəsində hələ ki, dəqiq məlumat verilmir.
   Müğənni Rəqsanə Bakını tərk edib. Noyabrın birinci ongünlüyünə qədər Türkiyədə qalacaq sənətçi albom hazırlıqlarına başlayıb. Müğənni açıqlamasında bildirib ki,türkiyəli həmkarlarından biri ile duet oxuyacaq, amma hələ ki, onun adını sirr saxlayır. Rəqsanənin yenilikləri bununla bitmir. Belə ki, o, Sezen Aksunun repertuarından məhşur mahnılardan birini oxumağa hazırlaşır.

 

Xəyalə Əzizova

 

Muz-Tv.az