Müğənninin 150 000 funt sterlinqə aldığı gəlinlik paltarı oğurlandı

Mərhum britaniyalı müğənni Eymi Uaynhauzun hərracda 150 000 funt sterlinqə satın aldığı gəlinlik paltarı oğurlanıb.  

    Mərhum britaniyalı müğənni Eymi Uaynhauzun hərracda 150 000 funt sterlinqə satın aldığı gəlinlik paltarı oğurlanıb. Onun atası ölümündən sonra ulduzun bütün geyimlərinin siyahıya alınaraq “Narkomaniya ilə mübarizə dərnəyi”nə bağışlanmaq üçün hazırlandığını bildirib. Oğurluğun paltarın mənəvi dəyərini bilən biri tərəfindən törədildiyi iddia edilir. Mərhumun səhnə geyimləri arasında çox bahalı paltarların olmasına baxmayaraq, məhz bu gəlinliyin oğurlanması diqqət çəkib. 
   Türkiyəli müğənni Sibel Can sürdüyü avtomobillə bağlı ifadə vermək üçün İstanbul Baş Polis İdarəsinə çağırılıb. Daha sonra müxbirlərin suallarını cavablandıran məşhur xanım “Maşınımla bağlı ifadə verməyə gəldim. Bu avtomobili 2009-cu ildə almışam. Vergisi ödənib. Uzun zamandan sonra belə bir məsələ ilə qarşılaşmaq, doğrusu, məni təəccübləndirdi”, -deyə açıqlama verib.
   Amerikalı məşhur müğənni Selena Qomez “Glamour” jurnalı tərəfindən ilin qadını seçilib. Öz adına ətri və geyim kolleksiyası da olan ulduz son zamanlarda böyük fanat ordusuna sahib olan Castin Biberlə sevgilidir. Müğənni “Disney” seriallarındakı aktyorluq bacarığı ilə də rəğbət qazana bilib. 
   Türkiyəli müğənni Ləvənt Yüksəl uzun müddət davam edən sükunətdən sonra yeni albomu ilə heyranlarını sevindirib. “Topyekun” adlanan musiqi toplusu noyabrın 6-da satışa təqdim ediləcək. 7 illik fasilədən sonra çıxan sözügedən albomla eyni adı daşıyan “Topyekun” mahnısı isə bu gündən etibarən dinləyicilərin ixtiyarına verilib.

 

Sahilə Aslanova

 

Muz–Tv.az