Müğənnilər zəlzələ zamanı əziyyət çəkənlər üçün pulsuz oxuyacaq

Müğənni Nadir Qafarzadə qatıldığı bir proqramda həmkarı Sabir Əhmədovun onun haqqında söylədiyi ittihamlara cavab verib.  

    Müğənni Nadir Qafarzadə qatıldığı bir proqramda həmkarı Sabir Əhmədovun onun haqqında söylədiyi ittihamlara cavab verib. O, Sabirin adını açıqlamasa da, amma aydın hiss olunub ki, sözləri onun ünvanına yönəlib: “Hamı məni “əjdaha” ləqəbiylə tanıyır və qəbul edir. O, guya, bu ləqəbimi qəbul etmir. Heç onun rəyinə ehtiyacım da yoxdur. Özünü reklam etmək istəyir, çünki xəstə təfəkkürə malik olan insandır”.
    Müğənnilər Yaqub Zurufçu və Röya Ayxan eyni səhnəni paylaşacaq. Belə ki, Zurufçu bildirib ki, onların Stokholmda keçiriləcək konsert proqramında birgə çıxışı nəzərdə tutulub. Noyabrın 25-nə təsadüf edəcək konsert xeyriyyə xarakteri daşıyacaq. Tədbirdən əldə olunan vəsaitin isə Beynəlxalq Qırmızı Xaç Komitəsi vasitəsilə bu ilin avqustunda İranda, xüsusilə Təbrizdə baş verən zəlzələdən əziyyət çəkənlərin ailələrinə çatdırılacağı gözlənilir.Yaqub Zurufçu onu da bildirib ki, konsertin təşkilatçıları Cənubi Azərbaycanda onun, Azərbaycanda isə Röyanın məşhurluğunu əsas götürərək bu seçimi edib.
    Tanınmış müğənni Elnur Məmmədov rəsmi “Facebook” səhifəsində qeyri-adi və hər kəsdə maraq doğuran şəkillərini paylaşıb. Hazırda Türkiyədə səfərdə olan müğənni fotolarda qardaş ölkənin tanınmış aktyoru Tolqa Karel ilə evli olan azərbaycanlı model Günay Musayeva ilə səmimi şəkildə görünlüb. 
    Müğənni İlahə İbadovanın sənətinə Türkiyədə maraq yaranıb. Bir müddət əvvəl mahnılarını aranjeman üçün qardaş ölkəyə göndərən sənətçinin ifası studiya rəhbərliyi tərəfindən bəyənilib. Məlumata görə, xanəndə təklifə hələlik cavab verməyib: “Onlar səsimi Türkiyədə eşidilməsinə maraqlıdırlar. Mən isə düşünməliyəm. Burada qurduğum karyeranı dayandırıb, yenidən Türkiyədə sıfırdan başlamaq risk tələb edir”- deyə o, məsələyə aydınlıq gətirib.

 

Sahilə Aslanova

 

Muz–Tv.az