Aygün Kazımova, Brilliant Dadaşova və Faiq Ağayevdən yeni xəbər

Xalq artisti Aygun Kazımovanın gözlənilən klipi nəhayət ki, hazırdır.  

   Xalq artisti Aygun Kazımovanın gözlənilən klipi nəhayət ki, hazırdır. Sözləri və musiqisi türkiyəli müğənni-bəstəkar Sərdar Ortaça aid olan “Hayat ona güzel” artıq “YouTube” kanalına yerləşdirilib. Klipin Türkiyənin “Kral Pop” telekanalında nümayişi gözlənilir.Yeni ekran işi qardaş ölkənin populyar rejissoru Murad Küçük tərəfindən lentə alınıb. Xatırladaq ki, rejissor “Hayat ona güzel”dən əlavə, Aygün Kazımovanın “İkinci sən”,”Qol” kliplərinin də müəllifidir.
   Xalq artisti Faiq Ağayev qəzəblənib. O, ünvan göstərməsə də, “Facebook” sosial şəbəkəsindəki profilində qəzəbini bu sözlərlə ifadə edib: “Niyəyapışmısan məndən zəli kimi? Yoxsa iqrar yükümsən? Bezdim usandım!”. Müğənni bu sözləri anonim şəxsə ünvanlayıb.
   Azərbaycan şou-biznesində özünəməxsusluğu ilə seçilən bəstəkar-müğənni Xumar Qədimova ilin sonuna yaxın qeyri-adi layihəsi ilə pərəstişkarlarını sevindirəcək. O, sürpriz qalsın deyə, bu barədə hələ ki, ətraflı danışmaq istəmir. 
  Brilliant Dadaşova yeni albomu ilə bağlı tamamlanma işlərini başa çatdıra bilmir. Sənətçinin sözlərinə görə, həmin musiqi toplusu ötən ay hazır olmalı idi. Xalq artisti 10 gündən sonra Türkiyəyə gedəcəyini və orada çoxlu işlərinin olduğunu bildirib. “Hər şey yenidən hazır olandan sonra mən razı qalaram” -deyə o, vurğulayıb.

 

Xəyalə Əzizova

 

Muz-Tv.az