Eldaq Dalqatovla birgə konsert verən müğənni tamaşaçılardan narazı qaldı

Azərbaycanlı gənc ifaçı Sevinc Ağaşirinova Dağıstan müğənnisi Eldar Dalqatovla birgə konsert verib. 

      Azərbaycanlı gənc ifaçı Sevinc Ağaşirinova Dağıstan müğənnisi Eldar Dalqatovla birgə konsert verib.Təşkilatçı Samir Xəttabın dəstəyi ilə reallaşan gecədə ilk olaraq Sevinc Ağaşirinova səhnədə yer alıb. İfası zamanı o, repertuarından ən sevilən mahnıları səsləndirməklə yanaşı, xarici musiqilərlə də qonaqların zövqünü oxşayıb. İlk dəfədir canlı konsert verdiyini deyən Ağaşirinova həyacanlı olduğunu tamaşaçılardan gizlətməyib. Fikirlərini bizimlə paylaşan xanım müğənni tamaşaçılardan narazı qalaraq, onlarda dinləyici əhval-ruhiyyəsi hiss etmədiyini bildirib. 
     Onun ifasından sonra çıxış etməyə hazırlaşan Eldar Dalqatov Muz Tv-yə təəssüratlarını bölüşərkən azərbaycanlı tamaşaçılardan yalnız müsbət aura gözlədiyini vurğulayıb. Səhnədə alqışlarla qarşılanan Dalqatov sevilən hitlərini səsləndirib. Onun musiqiləri altında özünü rəqs etməkdən saxlaya bilməyən gecə qonaqları da az olmayıb. Eldarın ən sevilən ifalarından olan “Qolubka” mahnısı tamaşaçıları daha da coşdurub. Bu yaxınlarda ailə həyatı quran Eldar Dalqatov bildirib ki, şəhərimizə tək gəlib.

 

Səbinə Zöhrabqızı
Vüsal Həşimov

 

Muz-Tv.az