Yerli ulduzlar haqqında bilmədiyiniz məqamlar

Azərbaycan şou-biznesində məşhurlaşan ulduzların heç də hamısı öz sənəti üzrə fəaliyyət göstərmir. 

     Azərbaycan şou-biznesində məşhurlaşan ulduzların heç də hamısı öz sənəti üzrə fəaliyyət göstərmir. Xatirə İslam ginekoloq təhsili alıb. Sonradan təhsilini buraxaraq müğənni olmağa qərar verib. Züleyxa Akçurina model kimi çalışsa da, ixtisasca politoloqdur. Leyla Ramazanlı beynəlxalq əlaqələr üzrə iqtisadçıdır. Zülfiyyə Xanbabayeva Mədəniyyət və İncəsənət Universitetinin rejissorluq fakültəsini bitirib. Faiq Ağayev nə vaxtsa həkim olmaq istəyib, lakin Mədəniyyət və İncəsənət Universitetinin aktyorluq fakültəsinə qəbul olub. Rüfət Axundov ixtisasca rejissordur, lakin heç vaxt bu sahədə işləməyib. Xuraman Şuşalı ali təhsilli müğənnidir. Oksana Rəsulova əvvəllər ginekoloq işləyirdi, daha sonra özünü yaradıcılığa həsr etməyə qərar verib. Rəqsanə İsmayılova isə ixtisasca müəllimədir, lakin həmişə oxumağa üstünlük verib.
   Fəxriyyə Xələfova özünü Azərbaycanda yeganə peşəkar modelyer hesab edir. Onun sözlərinə görə, bir çoxları kolleksiya yaratsa da, onların heç biri brend deyil. Bu haqda danışan Fəxriyyə xanım: “Bilirəm ki, 100 il keçsə də, hər kəs məni xatırlayacaq”- deyə vurğulayıb.
   Aygün Kazımova "Üç bacı" serialında özünü aktrisa kimi sınamaq qərarına gəlib. Xalq artistinin sözlərinə görə, o bu serialda elə Aygün Kazımova rolunu oynayacaq. Tamaşaçılar bu serialda yerli şou-biznesin pərdəarxası məqamlarını görə bilmək şansı əldə edəcəklər. “ Mənim özümə də maraqlıdır ki, necə alınacaq, - deyə Aygün Kazımova əlavə edib.
   Tanınmış estrada ulduzu Faiq Ağayev pərəstişkarlarını daha bir mahnısı ilə sevindirmək niyyətindədir. Xalq artisti sözləri Erkan Güleryüzə,musiqisi Zeyneb Taluya məxsus olan “Billahi” adlı mahnı oxuyacağını “Facebook” sosial şəbəkəsindəki profilində yazıb. İfa barəsində daha ətralı məlumatı o , yaxın günlərdə açıqlayacaq. 
   Dekabrın 1-də məşhur müğənni Xəyyam Nisanovun Heydər Əliyev Sarayında təşkil olunacaq konsertinə hazırlıqlar bütün gücü ilə davam edir. Müğənninin sarayın səhnəsində çıxış edəcəyi konsert proqramı "Solo" adlanır. Xəyyam repertuarında yer alan ən məşhur mahnıları ilə yanaşı, yeni musiqilərini də səsləndirəcək. Bununla yanaşı, tamaşaçıları möhtəşəm duetlər də gözləyir.Onu da bildirək ki, “Solo” layihəsi üzrə böyük yaradıcı komanda çalışır. Konsertin rejissoru Ülviyyə Könül, prodüsseri Murad Arifdir.
   Hindistanın məşhur aktyor və rejissoru Şahrux Xanın ad günü münasibətilə Bakıda fləşmob keçirilib. Hind rəqslərinin mahir ifaçısı Oksana Rəsulovanın təşkilatçılığı ilə reallaşan kütləvi rəqs nömrəsi Hindistanda da böyük səs-küyə səbəb olub. Qeyd edək ki, fləşmobun ideya müəllifi Oksana Rəsulova, klipin rejisssoru isə Ata Rəsulovdur.

Xəyalə Əzizova

 

Muz-Tv.az