Məşhur rokçu həlak oldu

Dünyaca məşhur “Suicide Silence” rok qrupunun solisti Mitç Laker uğradığı ağır motosiklet qəzasında həlak olub.  

    Dünyaca məşhur “Suicide Silence” rok qrupunun solisti Mitç Laker uğradığı ağır motosiklet qəzasında həlak olub. Ölümündən qısa müddət əvvəl “Twitter” səhifəsindən yazdığı mesajla heyranlarını dərindən kədərləndirən rokçu həyatının sürətlə keçdiyini, amma yalanlar içində yaşadığını qeyd edib. 
    Amerikalı müğənni Cennifer Lopez sevgilisi Kasper Smartı məxfilik haqqında razılaşma imzalamağa məcbur edib. 43 yaşlı ulduz gələcəkdə şəxsi həyatı haqqında memuarlar və videoların çıxmasının qarşısını almaq məqsədilə bu addımı atmaq məcburiyyətində qalıb. Lopez bütün işçilərini bu sənədi imzalamağa məcbur edib. Hətta müğənninin gənc sevgilisi də istisna edilməyib. 
    Amerikanın yerli hindu xalqının etirazlarına görə “No doubt” qrupunun “Looking hot” mahnısına çəkilən yeni klipinin nümayişi dayandırılıb. Hindu icması video-çarxın onların mədəni dəyərlərini təhqir etdiyini bildirib. Klipdə qrupun solisti Qven Stefani tamaşaçı qarşısına hindu geyimində çıxır. O, “ağdərililər”lə bərabər olmayan döyüşə girir və onların quluna çevrilir. Klipin sonunda qızı həmqəbiləlisi qurtarır. Etirazlardan sonra musiqiçilər yaradıcılıqlarında əsas prinsipin digər xalqların mədəniyyətlərinə hörmət olduğunu bildirərək klipdən inciyən hər kəsdən üzr istəyib. 
   Bu yaxınlarda biznesmen Mixail Kipermendən boşanan rusiyalı müğənni Vera Brejneva qatıldığı bir tədbirdə barmağındakı brilyant üzüklə nəzərləri üzərində toplayıb. Müxbirlər dərhal məşhura üzüyün mənbəyi haqda suallar versələr də o: “Bu cür şeyləri əlbəttə ki, özüm almıram. Üzüyü mənə hədiyyə ediblər, amma kim olduğunu söyləməyəcəm”, -deyə müəmmalı cavab verib.

 

Sahilə Aslanova

 

Muz-Tv.az