Məşhur modelin sevgilisinə etdiyi hədiyyə kəskin etirazla qarşılandı

Ukraynalı müğənni Ani Lorak “Zajiqay serdtse” mahnısına çəkilən yeni klipini təqdim edib.  

    Ukraynalı müğənni Ani Lorak “Zajiqay serdtse” mahnısına çəkilən yeni klipini təqdim edib. Musiqi nömrəsi ulduzun cari ildə işıq üzü görən sayca üçüncü sinqlıdır. Mahnı “A studio” qrupunun bir çox məşhur hitlərinin müəllifi olan Erkeş Şakeyev tərəfindən bəstələnib. Klipin rejissoru Jen Timoxindir.
    Məşhur türkiyəli rep musiqiçi Cəza yeni əsərini sevənlərinə təqdim edib. O, dünyaca məşhur bəstəkar Mosartın 1783-cü ildə Mehtər marşından ilhamlanaraq yazdığı “Türk marşı (Rondo alla Turca)”na söz yazıb. Repçinin sözügedən mahnısına çəkilən klip bir gündə 80 min insan tərəfindən izlənilib.
    Britaniyalı məşhur müğənnilər Elton Con və Engelbert Hamperdink qeyri-adi duet albomu ərsəyə gətirmək üçün qollarını çırmalayıblar. Bu fikir ifaçının “Rocket man” adlı mahnısının uğurundan sonra Hamperdinkə əməkdaşlıq barədə təklif göndərməsi ilə yaranıb. İki ulduzun hazırladığı musiqi toplusu Elton və Engelbertin ilk əməkdaşlıq işləridir. Xatırladaq ki, Engelbert Hamperdink “Avroviziya- 2012” mahnı müsabiqəsində İngiltərəni təmsil edib.
    Məşhur amerikalı model Naomi Kempbell iş adamı sevgilisi Vladislav Doroninin 50 illik yubileyinə qeyri-adi şou hazırlayır. Belə ki, o, Doroninə fillər üzərində qurulmuş polo sahəsi və Diana Ross konserti hədiyyə edəcək. Yubileyin noyabrın 7-də Hindistanda qeyd ediləcəyi və üç gün davam edəcəyi bildirilib. Tədbirə 80 qonaq dəvət olunub. Məşhur model təşkilatçılıqla şəxsən məşğul olur və polo oyunu üçün yeddi fil sifariş edib. Bu cür hədiyyə heyvanları qoruma cəmiyyətləri tərəfindən etirazla qarşılanıb. Oliqarxın sevimli müğənnisi Dayana Rossun çıxışı isə ona 500 min dollara başa gəlib.

 

Sahilə Aslanova

 

Muz-Tv.az