Uitni Hyustonun son “Never give up” mahnısı yayımlanıb

Mərhum amerikalı müğənni Uitni Hyustonun rəsmi saytında yeni “Never give up” mahnısı yayımlanıb.  

    Mərhum amerikalı müğənni Uitni Hyustonun rəsmi saytında yeni “Never give up” mahnısı yayımlanıb. Musiqi nömrəsi ulduzun yaradıcılığının son əsəridir və bundan əvvəl heç yerdə səslənməyib. Sözügedən ifa müğənninin “I Will Always Love You: The Best of Whitney Houston” albomuna da daxil ediləcək. Musiqi toplusunun noyabrın 13-də satışa çıxarılacağı gözlənilir.
    Rusiyalı müğənni Vitas uzun fasilədən sonra konsert proqramı ilə sevənlərinin qarşısına çıxıb. Gurultulu alqışlarla qarşılanan ulduz bundan sonra heç vaxt səhnəni tərk etməyəcəyini və ömrünün sonuna qədər mahnı oxuyacağını elan edib. Heyranlarından gələn hədiyyələri qəbul edən Vitas çox xoşbəxt olduğunu və bu sevgi nümayişi qarşısında hisslərini ifadə etməkdə çətinlik çəkdiyini bildirib.
   Amerikalı pop-ulduz Britni Spirs avtobioqrafik roman yazmaq fikrindədir. Müğənni bir çox məşhurların memuarlarını yayımlayan “HarperCollins” nəşriyyat evi ilə danışıqlar aparır. Romanda Britni şəxsi həyatından və yaradıcılığından bəhs edəcək. Xatırladaq ki, ulduz artıq səkkiz ildir şəxsi ətir markasına və video oyunlar, gəlinciklər istehsal edən şirkətə malikdir.
   Rusiyalı müğənni Maksim və “Animal caz” qrupunun üzvü olan sevgilisi Aleksandr Krasovitskiy yeni “Jivi” adlı mahnılarını və ona çəkilən klipi təqdim etdilər. Romantik, eyni zamanda olduqca sərt stildə çəkilən video çarxın rejissoru isə Vadim Şatrov və Yekaterina Şatrovadır.

 

Sahilə Aslanova

 

Muz–Tv.az