Sərxan Sərxanın 60 illik yubileyi qeyd olundu

Azərbaycan Dövlət Filarmoniyasında Azərbaycanın və Rusiyanın əməkdar artisti Sərxan Sərxanın 60 illik yubileyi keçirilib.  

    Azərbaycan Dövlət Filarmoniyasında Azərbaycanın və Rusiyanın əməkdar artisti Sərxan Sərxanın 60 illik yubileyi keçirilib. Yaradıcılıq fəaliyyətinə ötən əsrin 60-cı illərindən ispan musiqiləri ilə başlayan səbəbkar gecə boyu mahnılarını səsləndirərkən gitarada da ifa etməyi unutmayıb. Sənətçinin yaxınları, dostları Sərxan Sərxanın bu əziz gününə qatılaraq, onun musiqilərinin qonağı olub. 
    Gecədə həmçinin səbəbkarın yaxın dostları, xalq artistləri, kino-rejissor Tofiq İsmayılov və aktrisa Həmidə Ömərova səhnəyə təşrif buyuraraq ona ən xoş arzularını çatdırıblar. Tofiq İsmayılov ən az yubiliyar qədər həyəcanlı olduğunu vurğulayaraq qonaqlara sirr də açıb. O, bildirib ki, “Bəyin oğurlanması” filmində Sərxan Sərxan da rol almışdı, lakin Moskvaya gedən ifaçı həmin kinoya çəkilə bilməyib. Məhz Tofiq İsmayılov da bu səbəblə “Bəyin oğurlanması” filminə rejissorluq etməkdən imtina edib. Həmçinin səbəbkar tamaşaçılara ilk çəkildiyi filmin rejissorunun da məhz xalq artisti Tofiq İsmayılov olduğunu açıqlayıb. 
   Xalq artisti Polad Bülbüloğlu da Sərxan Sərxana həsr olunan gecənin qonağı olub.

Səbinə Zöhrabqızı
Vüsal Həşimov

 

Muz-Tv.az