Bu gün məhşur fransalı aktyor Alen Delonun 77 yaşı tamam olur

 Məşhur fransalı aktyor Alen Delonun 77 yaşı tamam olur. O, 1935-ci il noyabrın 8-də Paris yaxınlığında So şəhərciyində anadan olub.  

     Məşhur fransalı aktyor Alen Delonun 77 yaşı tamam olur. O, 1935-ci il noyabrın 8-də Paris yaxınlığında So şəhərciyində anadan olub. Azərbaycan tamaşaçılarına da yaxşı məlum olan "Rokki və qardaşları"nda rol alan sənətçi yaratdığı rəngarəng obrazlarla tamaşaçıların sevimlisinə çevrilir. Qısa müddət ərzində məşhurlaşan gənc aktyor fransız kinosunun şedevri sayılan Jan Qabenin də diqqətini çəkir. Onların tanışlığı 1962-ci ildə ekranlaşdırılan "Zirzəmidən eşidilən melodiya" filmindən başlayır və uzun müddət davam edir. Həmin ekran əsəri qazandığı müvəffəqiyyətə görə "Qızıl qlobus" mükafatına namizəd göstərilib. 1964-cü ildə İspaniyada çəkilən "Qara zanbaq" filmi ilə Delon bir daha tamaşaçıların ürəyini fəth edir. Ardınca məşhur "Zorro" filmindəki ifası ilə o, bir daha möhtəşəm aktyor olduğunu sübut edir. Xatırladaq ki, Alen Delon ən yaxşı kişi roluna görə "Sezar" mükafatına da layiq görülüb.
     Amerikalı məşhur aktyor Bred Pitt mebel dizayneri olub. O, noyabr ayının ortalarında “Pitt-Pollaro” adlı kolleksiyasını təqdim edəcək. Aktyorun sevgilisi Ancelina Coli onun uzun illərdən bəri bu sənətlə maraqlandığını və eskizlər çəkdiyini bildirib. Vurğulayaq ki, ulduz kolleksiyasında yüngül konstruksiyalardan və çoxlu şüşədən istifadə edib.
     Məşhur rok qrupu “Linkin park”ın Cənubi Afrikanın paytaxtı Keyptaunda reallaşan konserti faciə ilə bitəcəkdi. Konsert Green Point stadionunda açıq havada keçirilib.Musiqiçilərin çıxışı zamanı güclü külək səhnədəki böyük reklam şitini tamaşaçıların üzərinə uçurub. Təcili yardım maşınları hadisədən dərhal sonra stadiona gəlib. Nəticədə 20 nəfər insan zərər çəkib. “Linkin park” daha sonra konsertə qaldığı yerdən davam edib.
     Məşhur britaniyalı aktyor Deniel Kreyqin “super agent Ceyms Bond” obrazından uzaqlaşma cəhdləri boşa çıxıb. Ulduz növbəti iki filmdə çəkilməyə razılıq verib. Yalnız bundan sonra Kreyq “agent” səlahiyyətlərini təhvil verə biləcək. Xatırladaq ki, aktyor bu obrazdan “Skyfall kordinantları” filminin çəkilişlərindən əvvəl qurtulmağa çalışıb. Amma “bondiana” silsiləsinin səs gətirən şöhrəti prodüserləri daha bir neçə film haqqında fikirləşməyə vadar edib. Buna baxmayaraq, Kreyq hələ də canlandırdığı qəhrəmanı sevə bilmir və hər fürsətdə onu qatı şəkildə tənqid etməkdən də çəkinmir.

 

Sahilə Aslanova

 

Muz–Tv.az