Dünya şöhrətli aktyorlar Azərbaycan filmində rol alacaqlar

Dünya şöhrətli aktyorlar Adriano Çelentano və Mikele Plaçidonun azərbaycanlı rejissorun çəkdiyi “Alen Delonum mənim” adlı tammetrajlı filmdə rol alacaqları iddia edilir.  

   Dünya şöhrətli aktyorlar Adriano Çelentano və Mikele Plaçidonun azərbaycanlı rejissorun çəkdiyi “Alen Delonum mənim” adlı tammetrajlı filmdə rol alacaqları iddia edilir. Bu barədə sözügedən ekran əsərinin baş rol ifaçısı Vasif İsmayılzadə məlumat verib. Bundan başqa, serialda məşhur aktrisa Orniella Mutinin çəkiləcəyi də ehtimal olunur. Qeyd edək ki, filmin rejissoru Sain Qəhrəmandır. Ssenari bütünlüklə Alen Delon ləqəbli Canbala Canbalayevin başına gələn maraqlı macəralar üzərində yazılıb. Filmin təqdimatı gələn ilə planlaşdırılır.
   Müğənni Sevda Yahyayeva yaradıcılıq işlərindən danışıb. O, Gürcüstanın Batumi şəhərindəki klip çəkilişlərini başa vurduğunu bildirib: “Ən son ifa etdiyim “Sən” adlı mahnımın klip çəkilişləri üçün Gürcüstanın Batumi şəhərinə səfər etmişdim. Bu klipimin çəkilişini elə gürcü rejissor Zaza Oraşviliyə həvalə etmək qərarına gəldim. Düşünürəm ki, maraqlı bir klip ərsəyə gələcək”-deyə, o yeni yeni ekran əsəri haqqında geniş məlumat verib. 
   Tanınmış stilist Pərviz və adı açıqlanmayan müğənnilərdən biri avtomobil qəzasına uğrayıblar. Stilistin idarə etdiyi maşın şəhərin mərkəzi küçələrinin birində ağaca çırpılıb. Avtomobilin ön hissəsi ciddi zədələnib. Stilist verdiyi açıqlamada özünün ciddi xəsarət almadığını bildirsə də, sözügedən müğənninin burnunun sındığını deyib.
   “Toppuş bacı” obrazı ilə tanıdığımız aktrisa Tünzalə Əliyevanın səhhətində problem yaranıb. Bir müddət əvvəl çəkisini azaltmaq məqsədi ilə plastik əməliyyat keçirən aktrisa həkimin tövsiyəsinə əməl etməyib. Bu isə fəsada yol açıb. Hətta onun tikişinın söküldüyü də deyilir. Bu səbəbdən həkimi onun səhnə hərəkətinə müvəqqəti qadağa qoyub. Tünzalə xanım, həqiqətən də, ötən həftə cəkilişlərdə iştirak etmədiyini bildirib. O, aparıcılarından biri olduğu verilişin, eləcə də serial çəkilişlərinin həftə sonundan başlayaraq davam edəcəyini də əlavə edib.

 

Sahilə Aslanova

 

Muz-Tv.az