Filipp Kirkorovun əkiz qardaşının olduğu iddia edilir

Bolqarıstan mətbuatı müğənni Filipp Kirkorovun ailə sirrini ortaya çıxardıqlarını iddia edib.  

  Bolqarıstan mətbuatı müğənni Filipp Kirkorovun ailə sirrini ortaya çıxardıqlarını iddia edib. Yayılan məlumatda onun Ayordan adlı əkiz qardaşı olduğu bildirilib. İddiaya görə, Kirkorovun ailəsi iki oğul böyütmək üçün kifayət qədər maddi imkana malik olmayıb. Buna görə də Ayordan uşaq evinə verilib. Bir neçə ildən sonra oğlanı geri qaytarmaq istəsələr də, onun artıq başqa ailə tərəfində oğulluğa götürüldüyü aşkar edilib. Xəbəri yayan jurnal həmçinin Ayordanın bəzən Filippi müxtəlif tədbirlərdə əvəz etdiyini də söyləyib. Onlar Kirkorovla jurnalistlər arasında baş verən qalmaqallarda da məhz həmin əkiz qardaşı səbəbkar kimi göstərib.
   Məşhur müğənni Beyons 31-ci doğum günü münasibətilə getdiyi səyahətdə çəkilən şəkillərini sosial şəbəkələrdən birində heyranları ilə paylaşıb. O, bu özəl gününü həyat yoldaşı, repçi Jay Z və qızı Blue İvy ilə birlikdə dəniz turunda qeyd edib. Keçən yanvar ayında ana olan və yaradıcılığında fasilə verən Beyonsun yenidən fəaliyyətə başlamağa hazırlaşdığı bildirilir. 
   Keçən həftə Dubayın mərkəzi “Əl Arabia” televiziyasının türk qəzetlərinə istinadən yayımladığı “Kıvanç Tatlıtuğ və Azra Akın evləndi” xəbəri sevgililəri xoşbəxt edib. Məlumatın doğru olmadığını açıqlayan Akın jurnalistlərin sözügedən mövzu ilə bağlı sualına: “Kıvançla bu xəbərə çox güldük. Amma xoşumuza da gəldi” –deyə cavab verib.
   Məşhur amerikalı müğənni Britni Spirsin öz agenti ilə nişanlanmasının sadəcə bir reklam olduğu iddia edilir. Məlumatda bildirilir ki, ulduz Ceysonla yalnız agent deyil, həm də sevgili kimi işləməsi barədə razılaşma imzalayıb. “Britni ona çoxlu pul ödəyir. Heç bir toy olmayacaq. Ceyson ona sadəcə əvvəlki ictimai obrazı qaytarmaq üçün lazımdır. Britninin davranışlarına nəzarət etmək və içki içməsinin qarşısını almaq onun əsas vəzifələrindən biridir”- deyə xəbərdə qeyd olunur.

 

Sahilə Aslanova

 

Muz-Tv.az