“Film kimi” deyən Yaşar Cəlilovdan əsl payız hiti...

İstedadlı müğənni Yaşar Cəlilov 1 ildir hazırladığı sürprizi nəhayət ki, tamaşaçılarına təqdim edib. 

     İstedadlı müğənni Yaşar Cəlilov 1 ildir hazırladığı sürprizi nəhayət ki, tamaşaçılarına təqdim edib. MuzTv-nin məlumatına görə, “Bilməzdim” mahnısı ilə şou -biznesə öz möhürünü vuran ifaçı bu missiyasını davam etdirmək fikrindədir. Belə ki, yenidən hitə imza atmaq istəyən Yaşar Cəlilov musiqisi Tərlan Məmmədhüseynov və Elçin Cəfərova, sözləri isə Azər Şirinə məxsus “Film kimi” adlı yepyeni bir mahnı ifa edib. Bu barədə danışan müğənni: “Mahnıdan gözləntilərim çoxdur. İlk notlarından insanın ürəyində qəribə hisslər yaradır. Bir ildir məndə olsa da, məhz indi tamaşaçılara təqdim etmək qərarına gəldim”, -deyə bildirib. “Film kimi” dən həvəslə danışan Yaşar payız əhval-ruhiyyəsi gətirən bu ifasının əsl hit olacağına şübhə etmir. Öz mahnılarında musiqi alətlərinin yaratdığı möcüzələrdən yararlanan müğənni bu dəfə əməkdar artist Səlimə yox, fərqli bir skripkaçıya müraciət edib. Buna səbəb isə mahnı yazıldığı müddətdə Səlimin işlərinin çoxluğu olub. Montaj proseslərini Türkiyədə həyata keçirən Yaşar Cəlilov bu ifasının da ən az “Biməzdim” qədər seviləcəyinə inandığını vurğulayıb. O, bundan sonra yalnız hit mahnılar oxuyacağını qarşısına məqsəd qoyduğunu da istisna etməyib.
    Qeyd edək ki, müğənni sözügedən mahnıya klip də çəkdirmək niyyətindədir. O, bildirib ki, bu ekran əsərinin ərsəyə gəlməsində peşəkar kollektivə müraciət edəcək.

 

Sərvər Mehtiyev
Ramal Gülməmmədov

 

Muz-Tv.az