Robotlara qarşı hücumlar ola bilər

Avropa Polis Təşkilatı (Europol) yayımladığı hesabatda yaxın onillikdə robotların gündəlik həyatın ayrılmaz hissəsinə çevriləcəyini və bir çox iş yerlərində insanları əvəz edəcəyini bildirib.

Bu tendensiya 2035-ci ilədək insanlar və robotlar arasında qarşıdurma və sosial narazılıq riskini artıracaq.

Hesabatda vurğulanır ki, sosial-iqtisadi baxımdan zəif bölgələrdə əhali bu dəyişikliklərə mənfi reaksiya verə bilər və hətta küçələrdə robotlara qarşı hücumlar baş verə bilər. Bundan əlavə, robotların fəaliyyətində hər hansı nasazlıq cəmiyyət arasında qalmaqallara və siyasi şüarlara səbəb ola bilər.