Ajda Pekkan 8 saat yatır

Türkiyənin məşhur müğənnisi Ajda Pekkan gənc qalmaq üçün Taylanddan 1 milyon 200 min lirə dəyərində xüsusi “gənclik iksiri” gətirtdiyi barədə iddialara münasibət bildirib.

Sənətçi sözügedən xəbərlə bağlı yumorla danışıb.

“Gənc qalmaq üçün Taylanddan 1 milyon 200 min lirəyə gənclik iksiri gətirtmədim. Mütləq bir iksir istəyirsinizsə, verim”,- Pekkan bildirib.

Müğənni gənc və enerjili görünməsinin sirrinin isə sadə həyat tərzi olduğunu söyləyib. O, tez və gün ərzində təxminən 8 saat yatdığını qeyd edib.

Ajda Pekkan səhərlər ilıq suya bir çay qaşığı bəhməz əlavə etdiyini, daha sonra isə az miqdarda limon sıxaraq içdiyini deyib.

Sənətçinin açıqlamasından sonra onun illərdir qoruduğu fit və enerjili görünüşü yenidən gündəmə gəlib.