Cahangir Cahangirovun 103-cü ildönümüdür

Cahangir Cahangirovun 103-cü ildönümüdür
Xalq Artisti Cahangir Cahangirovun anadan olmasının 103-cü ildönümü tamam olur.

Xor və instrumental musiqiləri, operaları, bir-birindən gözəl mahnıları həmişə sevə-sevə dinlənilən görkəmli bəstəkarın yaradıcılığı, əsası Üzeyir bəy tərəfindən qoyulan Azərbaycan xor sənətində zirvə sayılır.


C.Cahangirovun yaradıcılığı öz çoxşaxəliyi ilə seçilir. “Arazın o tayında” poeması, 12 hissədən ibarət “Dostluq mahnısı” kompozisiyası, “Azad” və “Xanəndənin taleyi” operaları , xor nömrələri, “Füzuli”, “Nəsimi”, “Aşıq Alı” kantataları, “Sabir” oratoriyası, Süleyman Ələsgərovla birlikdə yazdığı oda  ona böyük şöhrət gətirib.


Onun “Ana”, “Aylı gecələr”, “Bakı”, “Dan ulduzu, bir də mən”, “Ay qız”, “Ala göz” mahnıları dillər əzbəridir.


Cahangir Cahangirov 1992-ci il martın 25-də vəfat edib və Fəxri xiyabanda dəfn olunub.